الانسولين(INSULIN)
من المواضيع المهمة وهي أنواع الانسولين وكيف تقدر تميزهم
الانسولين التجاري مقسم الي قسمين
A-natural insulin and B-insulin analog
A- natural insulin
انسولين طبيعي يشبه انسولين الانسان من حيت التركيب والوظيفة
واهم الانواع
1-)Short-acting • Soluble (Regular)
وهدا اللي يقولوله الميا ... مفعوله سريع في الدم ولكن مايعطلش هلبا تاثيره في الدم
يبي حوالي ساعة باش يبدا يخدم ... ويوصل لاعلي مستوي ليه في تلات ساعات ويمتد مفعوله لست الي تمان ساعات(1-8)
2-Intermediate-acting: • Isophane (NPH)
وهدا اللي يقولوله الحليب بطي شوية في مفعوله ولكن تاثيره يمتد لساعات اطول من الاول يبي حوالي ساعتين باش يبدا يخدم ... ويوصل لاعلي مستوي ليه في حوالي تمان ساعات ويمتد مفعوله لسطاش ساعة(2-16)
لاحظ ان الاول سريع ولكن قصير المدة .. والتاني بطي ولكن يغطي وقت اطول
فخلطوهم الزوز
الانسولين السريع باش يبدا مفعوله في الدم بسرعة وينظم السكر ولما يتم ينقص تاثيره يكون النوع البطي التاني بدا يخدم و وصل تاثيره لدم لتنظيم السكر
اسم التخليطة مع بعض سموهاmixtard المكستارد (تخليط الحليب والميا ) بنسبه
30-70
30 =Short-acting • Soluble (Regular) ماء
70 =Intermediate-acting: • Isophane (NPH) حليب
..................................................................……
B-insulin analogانسولين القلم او نظائر الانسولين
هي شكل آخر من أشكال الإنسولين المصنع ، تختلف عن الموجود في الطبيعة ليها أكثر قابلية للامتصاص من موقع الحقن وفي اللي انواع ليها اكثر مدة مفعول صنفوها كالتالي
اولا ...اللي مفعولهم سريع في تنظيم السكر ولكن فيسع ماينتهي مفعولهم ولهدا ماتقدرش تعطيهم بروحهم لمريض السكر ولازم مرات تخلط معهم أنواع انسولين طويلة المفعول باش تقدر تغطي احتياج اليوم كله
Apidra اسم القلم
نوع الانسولين insulin glulisine
يعتبر النوع الاسرع في الامتصاص ويحتاج لعشر دقايق تقريبا حتي يبدا العمل
وياخدو فيه مع الماكلة او بعدها بربع ساعة لكن زي ماقلنا مايطولش هلبا في الدم
Novorapid اسم القلم
نوع الانسولين Insulin aspart
يعتبر حتي هوا من اسرع انواع الانسولين في الامتصاص ويحتاج لربع ساعة باش يبدا وحولي ساعة باش يوصل لاعلي مستوي ليه في الدم
Humalog اسم القلم
نوع الانسولين insulin lispro
يعتبر من النوع السريع و اول نوع من الانسولين الشبيه اللي نزل للسوق في عام 1996
باش تحفظهم بسهولة
Novorapid
نوفا اسم الشركة المصنعة
rapid سريع تاثير
Apidra قريبة من كلمة RAPID
تانيا .....اللي مفعولهم طوووويل
long action
Lantos اسم القلم
نوع الانسولين Glargine
طويل المفعول .. يبدا مفعوله بعد ساعة و يغطي حتي 24 ساعة
Levemirاسم القلم
نوع الانسولين Insulin_detemir
حتي هو طويل المفعول ويوصل تاثيره لحوالي16-18 ساعة
باش تحفظهم بسهولة
اللي L ong action يبدو ب L
L EVEMER
L ANTUS
اخر قلم يمر عليك اسمه
Novomix
هو تخليط نفس فكرة الميكستارد زوز انسولين
الاول سريع وقصير التاثير + والتاني بطي لكن طويل التاثير
novo اسم الشركة
MIX يعني ميكسد يعني مخلط بين زوز
وهدا تخليطة بين نوعين انسولين
الاول سريع المفعول و تاثيره قصير والتاني بطي شوية ولكن تاتيره طويل
في إضافة اخيره قد يمر عليك اسمين انسولين زي ACTARAPID
هدا انسولين من النوع السريع وينزل السكر بسرعة وفي نوع اخر من الانسولين اسم TRESIPA يمتد مفعوله ل 48 ساعة
ليست هناك تعليقات:
إرسال تعليق